الیکشن کمیشن میں جاری اندرونی تنازعات اور اختلافات کی خبروں کے بعد اپوزیشن جماعت متحرک ہو گیا ہے۔ خبر رساں ادارے PTI کے مطابق، مخالف جماعتیں اس معاملے پر آئندہ کی حکمت عملی طے کرنے کے لیے 30 ستمبر کو دہلی میں ایک اہم اجلاس منعقد کر نے والی ہے۔جس میں ایس آئی آر اور چیف الیکشن کمشنر (CEC) گیانیش کمار کو عہدے سے ہٹانے جیسے اہم امور پر متحدہ لائحہ عمل تیار کیا جائے گا۔ کن اہم مسائل پر بات چیت ہوگی؟ رپورٹ کے مطابق، اپوزیشن جماعتیں الیکشن کمیشن کے خلاف ایک منظم اور یکجا مہم چلانے پر غور کر رہی ہیں۔ مغربی بنگال کی سابق وزیراعلیٰ ممتا بنرجی کے مطابق، یہ اجلاس دہلی کے 'کانسٹ ٹیوشن کلب' میں ہونے کا امکان ہے۔ متا بنرجی کی اتحاد اور یکجہتی کی اپیل! ممتا بنرجی نے بتایا کہ انہوں نے کانگریس رہنما راہل گاندھی اور کمیونسٹ پارٹی (سی پی آئی ایم) کے رہنما ایم اے بی بی سے بات کی ہے تاکہ تمام اپوزیشن جماعتیں اس مسئلے پر ایک پلیٹ فارم پر اکٹھی ہو سکیں۔ اس پیش رفت کی وجہ سے مغربی بنگال میں ایک دوسرے کی روایتی مخالف جماعتیں ممتا بنرجی کی سابق TMC اور CPI(M) بھی اس معاملے پر ایک ساتھ نظر آ رہی ہیں۔ اپوزیشن جماعتیں چیف الیکشن کمشنر (CEC) گیانیش کمار کو عہدے سے ہٹانے کے لیے مواخذے کی تحریک لانے کا منصوبہ بنا رہی ہیں۔ رپورٹس کے مطابق، اپوزیشن کی جانب سے مواخذے کا نوٹس تیار کیا جا رہا ہے، جسے قانونی ماہرین کی توثیق کے بعد پارلیمنٹ کے دونوں ایوانوں میں پیش کیا جا سکتا ہے۔ بعض ذرائع کا دعویٰ ہے کہ یہ نوٹس اگلے ایک ہفتے کے اندر پیش کیے جانے کا امکان ہے۔ الیکشن کمیشن میں تنازع کی اصل وجہ کیا ہے؟ رپورٹس کے مطابق، الیکشن کمیشن کے دو دیگر کمشنران (ڈاکٹر سکھبیر سنگھ سندھو اور ڈاکٹر وویک جوشی) نے گزشتہ 10 ماہ کے دوران تقریباً 14 مرتبہ چیف الیکشن کمشنر گیانیش کمار کے کام کرنے کے طریقے اور فیصلے سازی پر اپنے شدید تحفظات اور اعتراضات درج کروائے ہیں، جس کے بعد یہ پورا تنازع کھڑا ہوا ہے۔